Рамазанов Зәки Гәли улы 1915 елның 11 декабрендә Югары Шепкә авылында дөньяга килә. 1924 елны яңа ачылган мәктәпнең 1 сыйныфына укырга керә. Аны уңышлы тәмамлаганнан соң, аңа сәләтле укучы буларак укуын дәвам итәргә тәкдим итәләр. Зәки бу киңәшне тыңлап Алабуга педагогика техникумына укырга керә. Авыр, ач-ялангач еллар була ул вакытта. Авылдан алып килгән бәрәңгене, сохаринне ашап укый алар. 1936 елда уку йортын уңышлы тәмамлап Мусабай авылына татар теле һәм әдәбияты укытучысы итеп җибәрелә. Белемен тагы да үстерергә теләп, ул шул ук елны Казан педагогика институтына укырга керә. Ләкин аны тәмамларга өлгерә алмый, 1938 елда Зәкине Совет Армиясе сафларына чакырыла. Фин сугышы чыккач, аны командирларның күпләп кирәк буласын аңлап, Арёл хәрби училищасына җибәрәләр. Зәкиләр училищаны тәмамлаганчы финнар белән сугыш бетә. Тыныч тормышка кайтып, укытучы һөнәрен дәвам итәргә уйлаган Зәки дә хәрби училищадан җибәрүләрен үтенеп рапорт яза. Аның үтенечен кәнәгатъләндерәләр. Ләкин тынычтырмыш кына мөмкин булмый шул. Шул ук училищада хезмәтен элемтәче буларак дәвам итеп йөргәндә, кайтырга санаулы көннәр генә калгач, Бөек Ватан сугышы башлана. Хәрби училища составында Зәки башта Төрекмәнстанның Чершау шәһәренә эвакуацияләнә. Сугыш үзенә яңадан-яңа корбаннар сорый. Билгеле инде Зәки дә Харков юнәлешендә сугышка керә. Башта элемтәче булып хезмәт, аннан соң немец телендә бераз сукалаган Зәки развет группага билгеләнелә. Берничә тапкыр дошман тылына разветкага барырга, "тел" алып кайтырга туры килә. Немецлар бик тиз һөҗүм итәләр, нәтиҗәдә безнең бик күп һәскарләр дошман тылында чолганышта кала. 3,12, 18 дивизия дә шул язмышка дучар була. Алар арасында Зәки дә була. Кечкенә төркемнәргә бүленеп чолганыштан чыгарга приказ була. Дошман аларны көн-төн бомбага тота, бик күп сугышчылар һәлак була. Бу мәһшәр 20 көн дәвам итә. Чолганыштан чыгып "Зёленая Роәа" авылы янына җыелганда 3 дивизиядән бер дивизиялек кенә сугышчы калган була. Алар яңадан бер частька җыелып     дошман хөҗүменә каршы басалар. Тагы бомбалар төшә,

Зәки туган авылына кайткач яңадан яраткан һөнәрен дәвам итә, 36 ел буе Югары Шепкә мәктәбендә укытучы булып эшли, лаеклы ялга чыга. 88 яшендә вафат була. Югары Шепкә авылы зыяратына җирләнгән.